Marbach SG

- La mallongigo SG en Marbach SG staras por la svisa Kantono Sankt-Galo. Por aliaj signifoj de la nomo vidu sub Marbach.

---

Marbach SG
Blazono de Marbach
komunumo en Svislando
Kantono	Sankt-Galo
Distrikto	Elektodistrikto Rejnvalo
Geografia situo	CH1903: 760625 / 252087 (mapo)47.49.5666666666667
Nombro de loĝantoj	1897
Areo	4,2 km²
Alteco	427 m super marnivelo
Poŝtkodo	9437
Komunumkodo	3253
Mapo de Marbach

Marbach SG estas komunumo en la elektodistrikto Rejnvalo, Kantono Sankt-Galo, Svislando. Ĝi havis 1 897 loĝantojn je la 31-a de decembro 2007.

Geografio

Marbach situas inter Rebstein kaj Altstätten SG oriente de la Apencelaj Montetoj sur la okcidenta deklivo de la Rejnvalo. La bildon de la vilaĝo karakterizas vitejoj, unufamiliaj dometoj kaj kamparo. Marbach estas unu el la pli malgrandaj komunumoj de la sanktgala Rejnvalo, supozeble tial, ĉar ĝi situas apud la strato kaj fervojlinio en la fundo de la valo.

Najbaraj komunumoj

La komunumo limas en nordoriento al la komunumo Reute en Kantono Apencelo Ekstera, en nordokcidento al Rebstein, en sudokcidento al Oberriet SG kaj en nordoriento al la urbo Altstätten SG.

Trafiko

Per aŭtobuso, kiu cirkulas en kvaronhora kadenco, de Marbach atingeblas en 5 minutoj la stacidomo de Altstätten SG kaj en 12 minutoj la stacidomo de Heerbrugg. Marbach ankaŭ disponas pri komuna stacidomo kun la najbara komunumo Rebstein ĉe la linio de Svisaj Federaciaj Fervojoj inter Sankt-Margreto kaj Altstätten SG.

Historio

La unua skriba mencio de Marbach datiĝas el doncacdokumento el la jaro 831. En mezepoko Marbach troviĝis sub la regado de la Monaĥejo Sankt-Galo. La hodiaŭa urbo Altstätten SG ĝis la mezo de la 14-a jarcento apartenis al Marbach.

Vidu ankaŭ

• Aliaj lokoj kun la nomo Marbach.
• Rebstein-Marbach (stacidomo)
• Trolebusa linio Altstätten-Berneck

Eksteraj ligiloj

• Oficiala paĝo de la komunumo Marbach SG Arkivigite je 2011-09-29 per la retarkivo Wayback Machine